طول عمري من اول يوم دخلت فيه المرحله الابتدائيه وانا اعرف ان حدود مصر من الجنوب هي "السودان" وبعدين دخلت الاعداديه وفضل الاستاذ "حسن ابو علي" 3سنين يقول يا خوانا مصر يحدها من الجنوب "السودان"..وروحت ثانوي وروحت الجامعه والمعلومه هي هي .تخرجت بقى واكتشفت مصيبه هي ان المعلومه دي غلط.يا اخوانا ازاي مصر يحدها من الجنوب "السودان"؟امال الدوله الي انا عايش فيها فين؟ياعم انت مجنون؟اتاري الغلطه مش ذنب المدرسين.واصريت على ان مصر يحدها من الجنوب جارتها الشقيقه دولة "الصعيد".يا عم ازاي؟الصعيد تبع مصر.اهه اتاري من كتر الاتحاد الي بين مصر و الصعيد.كل الناس فاكره ان الصعيد تبع مصر.انا اعرف ان الاتحاد بين الدول نوعين "فيدرالي" و "كونفيدرالي".من غير كلام كتير في الموضوع ده اصله مش بتاعنا .بصراحه كبير علينا نتكلم فيه.بس النوع الي بين مصر والصعيد نوع غريب.معرفش نوعه ايه قال ايه احنا الصعايده تابعين لمصر "اقتصاديا"و"سياسيا"و"عسكريا"و كل حاجه.ده يا راجل انا اقدر ادخل مصر من غير "تاشيره".ده حتى الجيش المصري اغلبه من الصعيد.بصراحه شئ غريب. نوع اتحاد غريب لا تعرفه "فيدرالي" ولا "كونفيدرالي" ولا اتحاد سكندري حتى..ياعم انت مجنون؟ والله بتكلم جد..طب ماشي .حقوق المصري هي حقوق الصعيدي؟ اه هي هي.ياعم انت مش عايش معانا؟ طب اسمع الاخبار .لو في خبر عن الصعيد المزيع هيقول "حدث كذا في الصعيد"من غير ما يجيب سيرة المحافظه.وعلى ما اسمع من اخوانا الي بره مصر .اول ما يوصل يسالوه انت من اين؟ يقول من مصر ..يقولوله من اين في مصر؟ يقول من الاقصر..يقولوله "صعيدي يعني" ولو قال من البدايه انه صعيدي.كانوا هيعرفوا انه من دولة "الصعيد" الي "جنب" مصر.طب ماشي .عمرك شوفت مسؤل كبير في مصر من الصعيد؟ حتى لو كان .هيكون هاجر من زمان واخد الجنسيه المصريه.ياخوانا محدش يقولي ان الصعيد تبع مصر...والله انا خايف بعد 15سنه تكون المناهج هي هي..والمعلومه غلط زي ما هي.....................:""تحيه وتقدير الى كل من علمني حرفا"
انضم إلى المنتدى ، فالأمر سريع وسهل
