شايف نفسك ممكن تكون مشرف ادخل هنا واعرف التفاصيل 914207532



انضم إلى المنتدى ، فالأمر سريع وسهل

شايف نفسك ممكن تكون مشرف ادخل هنا واعرف التفاصيل 914207532

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    شايف نفسك ممكن تكون مشرف ادخل هنا واعرف التفاصيل

    محمد صلاح
    محمد صلاح
    المدير العام


    ذكر الوظيفة : طالب جامعى
    اخبار مزاجك ايه؟ : تمام
    العمر : 35
    عدد الرسائل : 98
    تاريخ التسجيل : 07/02/2009

    شايف نفسك ممكن تكون مشرف ادخل هنا واعرف التفاصيل Empty شايف نفسك ممكن تكون مشرف ادخل هنا واعرف التفاصيل

    مُساهمة من طرف محمد صلاح الأحد 05 يوليو 2009, 6:07 pm

    السلام عليكم

    االيوم هطلب من كل اعضاء منتدانا انه لو فيه اي عضو شايف انه يقدر يكون مشرف على قسم معين او عاوز نضيف قسم معين للمنتدى وشايف نفسه يقدر يبدع فيه ويكون مشرف عليه يتفضل هنا ويعرفنا ممكن يكون مشرف على اي قسم و ليه هو بيطلب كدة...


    يبقى المطلوب منكم يا احلى شباب انه متتكسفش او متتكسفيش بس المهم قبل ما تطلب تكون فاهم يعني ايه اشراف ويعني ايه تكون مسئول عن حاجة وان الاشراف على اي حاجة مهما كانت منتدى او غيره حاجة مش سهلة وعايزة شخص بمواصفات خاصة مع العلم انه مش شرط يكون كبير في السن ولا حاجة لان ياما فيه ناس كتير كبار في السن وعندهم كفاءة في مجال معين بس لا يعتمد عليهم كمشرفين على انفسهم اصلا....

    طيب وعلشان مصعبش الموضوع عليكم .. هطلب من كل واحد او واحدة يرد على نفس الموضوع و يقولنا انا عايز اكون مشرف او مشرفة على القسم كذا او اعملولي قسم كذا واكون مشرف او مشرفة عليه...

    وبالنقاط نقدر نقول :


    1- بص على نفسك وشوف انت تقدر تشرف على انهي قسم وتقدر تبدع في القسم ده ولا مجرد رغبة في الاشراف وخلاص
    2- بعد ما تحدد قسمك اللي عايز تشرف عليه لو موجود حاليا فعلا قولنا ايه اللي ممكن تعمله بالظبط في القسم ده عن طريق اشرافك عليه وقولنا امكانياتك في المجال اللي يختص بيه القسم ده
    3- وبعدين تدخل على القسم ده لو موجود فعلا في الاقسام وتكتب موضوع تطلب من الاعضاء يرشحوك للقسم ده
    4- لو القسم اللي شايف نفسك ممكن تكون مشرف عليه مش موجود في منتدانا ونفسك نضيف قسم جديد للمجال ده اطلب كدة و ادارة المنتدى بدورها هتحدد اذا كان ممكن نضيف القسم ده ولا لا ولو ممكن هتلاقي قسمك الجديد موجود في الاقسام
    5- مش معنى انك لما تلاقي القسم الجديد موجود في الاقسام انك بكدة هتكون المشرف عليه لازم الاول هتعمل موضوع دخل القسم ده وتطلب ترشيح الاعضاء ليك لقيادة القسم ده
    6- لو ملاقتش القسم اللي اقترحته على الادارة في قائمة الاقسام يبقى للاسف الادارة مش موافقة عليه و في الحالة دي ان شاء الله هتلاقي موضوع بنعتذرلك فيه في القسم العام عن عدم انشاء القسم وهتلاقي سبب عدم انشاءه وان شاء الله يكون مقنع..

    اتمنى اني مكنش نسيت حاجة

    ملحوظة هامة :: ممكن للكل يشارك حتى لو مش عايز يكون مشرف بس ممكن يشارك ويقول رايه في عملية الاشراف بوجه عام و رايه في عملية تعيين المشرف وايه هي الحاجات اللي بوجه عام لازم تكون موجودة في المشرف او لازم يقوم بيها المشرف
    واخيرا وليس اخرا اشكر الجميع على وجودكم معانا هنا في المنتدى اللي بس موجود علشان يفيد الكل

      الوقت/التاريخ الآن هو الجمعة 29 مارس 2024, 9:10 am