من أجمل القصائد العامية للشاعر جمال بخيت=مش باقى منى=

    شاطر
    avatar
    محمد صلاح
    المدير العام

    ذكر الوظيفة : طالب جامعى
    اخبار مزاجك ايه؟ : تمام
    العمر : 28
    عدد الرسائل : 98
    تاريخ التسجيل : 07/02/2009

    من أجمل القصائد العامية للشاعر جمال بخيت=مش باقى منى=

    مُساهمة من طرف محمد صلاح في الثلاثاء 05 يناير 2010, 2:56 pm


    مش باقي منى



    مش باقي منى غير شوية ضى في عنيا
    إنا حدهملك وامشي بصبري في الملكوت
    يمكن في نورهم تلمحي خطوة تفرق معاكى بين الحياة والموت
    مش باقي منى غير شوية نبض في عروقي خدي وعيشي
    وافتح لي تابوت افرح بريحه ورد فرعوني وربنا في عوني
    إذا دخلت الجنة ولا النار حشتاق لضحكتك وقعدتى في الدار
    والقهوة متحوجه من طيبة العطار
    في كل يوم الصبح اشرب حليب قبطي
    وفى النهار والمسا امسك ستار الكعبة لو سبتي
    واثبت اذا هربتى
    اهديكى عمري وحسي وجوارحي
    اهديكى جرحى هو إلى باقي في دنيتي لما خلص فرحى
    مش باقي منى غير شوية لحم في كتافى
    بلاش يتبعثروا في البحر
    بلاش يتحرقوا في قطر الصعيد في العيد
    بلاش لكلب الصيد تنوليهم
    خدي إلى باقي من الأمل فيهم
    وابنيلى من عظمهم في كل حارة مقام
    وزورينى مرة وحيده لو كل ألفين عام
    الم الجراح يتلم
    مش باقي منى غير شوية دم
    متلوثين بالهم مرين وفيهم سم
    كانوا زمان شربات والنكتة سكرهم
    شربتهم الخفافيش في الب أوكرهم
    مش باقي منى غير شوية دم مقدرش اسقيكى مواجعهم
    ويرضوا مقدرش ارميكى وأبعهم
    يمكن في مرة تعوز تطلبيني شهيد
    حاحتاج يميها الدم يمضى على شهدتى
    مش باقي منى غير شوية قوة في إرادتي
    على شوية شعر من خطى
    حسبي عليهم وأنت بتخطي
    وأنت في صبح الدلال بتعطري شطي
    مش باقي غير شوية ضى في عنيا
    انأ مش عاوزهم
    لو كنت يوم حالمحك وأنت بتوطى
    في معركة مفيهاش ولا طيارات ولا جيش
    وأنت في طابور العيش
    بتبوسى أيد الزمن ينولك لقمة من حقك المشروع
    مش باقي منى غير شهقة
    شهقة في نفس مقطوع
    بفتح لها سكة ما بين رئة وضلوع
    ما بين غبار ودموع
    وأنا تحت حجر المقطم في الدويئة بموت
    أنا والعطش والجوع
    يئن تحتي التراب
    وأنا صوتي مش مسموع
    يا حلمنا الموجوع من المرور ممنوع
    مستني لما يمر موكب سلاطينك
    مش باقي منى غير شوية رحمة من طينك
    على شوية صبر من دينك
    مش باقي منى غير حبة غنى تايهين
    في الضلمة مش لاقين حس الفواعلية
    ولا صوت مركبي عفي فوق المعدية
    ولا صوت بناتي العذارى في كل صبحيه
    والغنوه أمنية يما نفسي أقابل حبيبي
    وأنا على الزراعية صوتك وصوتهم غاب
    وأنا تحت حجر المقطم بموت لوحدية
    الليلية راحت عيوني تطل على البستان
    وجناين الرمان رجعت لي توصف عناد الغل والدخان
    وسحابة سوده تضلل على غُنى الغلبان
    رجعت لي توصف هبوب الموت على الألوان
    رجعت لي توصف خيال الزُل في موائد الرحمن
    مش باقي منى غير شوية كفر بشروقك
    وأنا منبع الإيمان
    مش باقي منى غير شوية ضى
    وعنيا مش قادرة تلمحك
    في وحدتي محنى
    خايف أموت من الخوف والضعف يفضحني
    السجن عشش في قلبي وماشى في شوارعك
    نفس إلى بعني وخدعني بالرخيص بيعك
    أشيل حمولى أنا ولا أشيل حملك
    ماعدت املك شيء فيكى ولا فيا
    ولا قيراط ولا بيت
    ولا نسمة صافية تلاغى النيل بحريه
    مش باقي منى غير شوية حب جرحني
    ولا باقي منى غير شوية ضى في عنيا


    فيديو للشاعر جمال بخيت وهو يروى القصيدة



    _________________
    قيلَ لفاطمَة _ رضيَ الله عنهَا :-
    أيّ شيءٍ هو خيرٌ للمرأة ؟
    قالتْ: ألاّ ترى الرّجالَ ولا يرَوهَا !


    " بلادي وإن جارت علي عزيزة .. وأهلي وإن ضنوا علي كرام "

    mr hamdy
    .
    .

    ذكر الوظيفة : معلم اول لغة انجليزية
    اخبار مزاجك ايه؟ : كومبيوتر - انترنت - قراءة
    عدد الرسائل : 241
    تاريخ التسجيل : 08/02/2009

    رد: من أجمل القصائد العامية للشاعر جمال بخيت=مش باقى منى=

    مُساهمة من طرف mr hamdy في الإثنين 01 مارس 2010, 7:53 pm

    مشكووووووووور يا تيتو
    avatar
    محمد صلاح
    المدير العام

    ذكر الوظيفة : طالب جامعى
    اخبار مزاجك ايه؟ : تمام
    العمر : 28
    عدد الرسائل : 98
    تاريخ التسجيل : 07/02/2009

    رد: من أجمل القصائد العامية للشاعر جمال بخيت=مش باقى منى=

    مُساهمة من طرف محمد صلاح في الخميس 27 مايو 2010, 2:41 pm

    العفو يا استاذ حمدى انا عارف انك ذواق للشعر وشاعر فى نفس الوقت


    _________________
    قيلَ لفاطمَة _ رضيَ الله عنهَا :-
    أيّ شيءٍ هو خيرٌ للمرأة ؟
    قالتْ: ألاّ ترى الرّجالَ ولا يرَوهَا !


    " بلادي وإن جارت علي عزيزة .. وأهلي وإن ضنوا علي كرام "

      الوقت/التاريخ الآن هو الإثنين 24 يوليو 2017, 8:38 pm