بيرم التونسى فى احوال مصر

    شاطر
    avatar
    elmagiko
    عضو فضى
    عضو فضى

    ذكر الوظيفة : عايش الحياة
    اخبار مزاجك ايه؟ : متقلب
    العمر : 29
    عدد الرسائل : 181
    تاريخ التسجيل : 16/02/2009

    بيرم التونسى فى احوال مصر

    مُساهمة من طرف elmagiko في السبت 21 فبراير 2009, 11:11 pm

    [
    center]أربع عساكر جبابرة يفتحوا برلين
    ساحبين بتاعة حلاوة جاية من شربين
    شايلة علي كتفها عيل عينيه وارمين
    والصاج علي مخها يرقص شمال ويمين


    إيه الحكاية يابيه؟
    قال خالفت الجوانين
    اشمعني مليون حرامي في البلد سارحين
    يمزعوا في الجيوب ويكسروا الدكاكين
    أسأل وزير الشئون ولا اكلم مين؟‏
    !‏
    ويعود بيرم التونسي فيقول‏:
    في مصر أربع تلاف محامي
    أشوف عددهم أقول يا حامي
    أتاري فيه مليونين حرامي
    وكل واحد عليه قضية

    ازجاله تتحدث عن مشاكل تجعلك تكاد تصدق أنه يعيش بيننا اليوم.
    فهو يتكلم عن الروتين الحكومى في قصيدة "دوسيهات الدواوين":
    [b] وعن طفح المجاري في قصيدة
    في دي الدوسيهات أشغالك وأشغالي
    بقالها خمسين سنة في وضعها الحالي



    "المجاري"
    حارتنا زينة المجاري
    في وسطها نهر جاري
    بفضل مجلس بلدنا
    وفضل فيض المجاري
    وعن المحسوبية في قصيدة

    "الواسطة"

    الواسطة لسة شغالة
    يا رجــــــــــــاله
    والحالة هياها الحالة
    في كل مكان

    وعن "الاختلاسات":
    ياواد يافندي الديوان معفــن
    من كتر مابتحشي فيه وتدفن
    حايظبطوك عن قريب مكفن
    بسرقتك والحنوط عليه
    وعن "الغش والغلا":
    الأكل والشرب في إيد اللومنجية
    والطماعين اللي غلوا الملح والميه
    وعن الدروس الخصوصية في قصيدة

    "درس خصوصي":
    يا باعت ابنك مدرسة جعلت بيتك مدرسة
    أستاذها يقبض أجرته وأكل مجاني ونسا
    وعن الغناء الهابط في قصيدة

    "يا هل المغنا دماغنا وجعنا":
    ياهل المغنى دماغنا وجعنا دقيقه سكوت لله
    داحنا شبعنا كلام ماله معنى يا ليل ويا عين ويا آه
    وعن "فوضى المكرفونات":
    الجمعة دي في حارتنا أربعه حجاج
    والميكروفونات طغت أمواج على أمواج
    وعن "أطفال الشوارع":
    في كل روضه الطفولة خدها ينباس
    وانتم خدودكم على سفح التراب تنداس
    وعن "الزحام":
    قالوا اللي ما يكونش في الأول دا يبقى عويل
    ومن كده بالقليل في كل زحمه قتيل


    والله البهايم ولا أولاد قابيل وهابيل

    الضرائب

    بيرم التونسي يتكلم عن المجلس البلدي الحكومى (المحليات و الضرائب الآن )وما يفعلونه من استغلال للناس بالضرائب الباهظة في ظل الغلاء الفاحش
    فيقول

    هوي حبيب يسمي المجلس البلدي
    أمشي واكتم انفاسي مخافة ان
    يعدها عامل للمجلس البلدي
    ما شرد النوم عن جفني القريح سوي
    طيف الخيال خيال المجلس البلدي


    اذا الرغيف اتي فالنصف اكله
    والنصف اتركه للمجلس البلدي
    وان جلست فجيبي لست اتركه
    خوف اللصوص وخوف المجلس البلدي
    وما كسوت عيالي في الشتأء ولا
    في الصيف الا كسوت المجلس البلدي
    كأن امي بل الله تربتها
    اوصت فقالت اخوك المجلس البلدي
    اخشي الزواج اذا يوم الزفاف اتي
    أن ينبري لعروسي المجلس البلدي
    وربما وهب الرحمن لي ولدا
    في بطنها يدعيه المجلس البلدي
    يا بائع الفجل بالمليم واحده
    كم للعيال وكم للمجلس البلدي

    قد اوقع القلب في الاشجان والكمد



    ============

    فماذا تغير فى مصر بعد عشرات السنين؟
    [/center]
    [/b]


    عدل سابقا من قبل elmagiko في الأربعاء 18 مارس 2009, 3:57 pm عدل 1 مرات

    mr hamdy
    .
    .

    ذكر الوظيفة : معلم اول لغة انجليزية
    اخبار مزاجك ايه؟ : كومبيوتر - انترنت - قراءة
    عدد الرسائل : 241
    تاريخ التسجيل : 08/02/2009

    رد: بيرم التونسى فى احوال مصر

    مُساهمة من طرف mr hamdy في الأحد 22 فبراير 2009, 7:54 am

    مشكور جدا رائعة فعلا ..بس ياريت نهتم بالتنسيق شويه علشان اللى يقرأ موضوعك ميتعبش .. وياريت تعمل معاينة قبل ارسال الموضوع للتاكد منه ... وشكرا
    avatar
    elmagiko
    عضو فضى
    عضو فضى

    ذكر الوظيفة : عايش الحياة
    اخبار مزاجك ايه؟ : متقلب
    العمر : 29
    عدد الرسائل : 181
    تاريخ التسجيل : 16/02/2009

    رد: بيرم التونسى فى احوال مصر

    مُساهمة من طرف elmagiko في الأحد 22 فبراير 2009, 5:42 pm


    حاااااااااااااضر من عنيا الاتنين

    mr hamdy
    .
    .

    ذكر الوظيفة : معلم اول لغة انجليزية
    اخبار مزاجك ايه؟ : كومبيوتر - انترنت - قراءة
    عدد الرسائل : 241
    تاريخ التسجيل : 08/02/2009

    رد: بيرم التونسى فى احوال مصر

    مُساهمة من طرف mr hamdy في الثلاثاء 24 فبراير 2009, 9:57 pm

    تسلم عينيك يا حسام

      الوقت/التاريخ الآن هو الأحد 24 سبتمبر 2017, 7:02 am