قصيدة فى حب الله

    شاطر

    walaa nagar
    عضو مميز
    عضو مميز

    انثى الوظيفة : student
    اخبار مزاجك ايه؟ : reading
    عدد الرسائل : 67
    تاريخ التسجيل : 16/02/2009

    قصيدة فى حب الله

    مُساهمة من طرف walaa nagar في الجمعة 27 فبراير 2009, 11:11 pm



    بقلم صلاح جاهين


    مين اللي نور الكرة الأرضية
    مين اللي دورها كده بحنية
    مين اللي في الفضا الكبير علقها
    ماتقعش منها أي نقطة ميه
    مين اللي عمل البني آدمين
    مفكرين ومبدعين
    مين اللي ادانا عقول وقلوب
    وشفايف تسأل هو مين
    مين اللي دايما صاحي واخد باله
    وكلنا بنحبه جل جلاله
    ربنا..
    احنابنحب ربنا
    وربنا بيحبنا
    ويحبنا اكتر كمان
    لما نحب بعضنا
    عمل الفراشة بأجنحة وزوقها
    وكل فكرة مدهشة حققها
    البحر حط له ملح لاجل يعوم
    وماسبش حاجة إلا لما خلقها
    مين اللي لما بنطلبه يسمعنا
    وفي وقت الحزن بيشجعنا
    ولما نفرح نشكر مين
    علي انه بسطنا ومتعنا
    مين اللي قلبه علينا واحد واحد
    ربنا
    سألتني طفلة قلت هو ما بيننا
    موجود في كل مكان وبيبص لنا
    بيشوف بنسعد بعض والا لأ
    وم الخطر يحرسنا ويحوش عنا
    في كل مكان ربنا موجود
    جنب الضعف وجنب المجهود
    ياربنا أنت جميل
    ومفيش كمثلك في الوجود
    مين الصديق اللي مافيش غني عنه
    وكلنا قصيدة فى حب الله

    --------------------------------------------------------------------------------

    القصيدة دى كتبت على يد فنان مصرى راحل اشتهر بكتاباتة العامية
    وسهولة تعبيراتة ووصولها للقلب مباشرا
    اتمنى انكم تستمعتوا بالقصيدة


    بنحبه ونخاف منه

    اللهم لا تحرمنا محبتك وعفوك
    ياعزيز ياقدير

    mr hamdy
    .
    .

    ذكر الوظيفة : معلم اول لغة انجليزية
    اخبار مزاجك ايه؟ : كومبيوتر - انترنت - قراءة
    عدد الرسائل : 241
    تاريخ التسجيل : 08/02/2009

    رد: قصيدة فى حب الله

    مُساهمة من طرف mr hamdy في الأحد 01 مارس 2009, 6:11 am

    رائعة يا ولاء فى اختيارتك

      الوقت/التاريخ الآن هو السبت 23 سبتمبر 2017, 4:37 pm