والله يابنات بجد حبيت المنتدى ده جدا وكل البنات الي فيه الي ساعدوني في اني اعرف اتعامل مع شعري سمعت كتير عن الحنه وفوايدها ومنهم الي بيقول حلوه للشعر ومنهم بتنشف الشعر عرفت ان الشعر الجاف له خلطات معينه وحبيت اقولكم تجربتي وايه الخلطه الي نفعت معايا لان شعري طبيعته جاف جبت مقدار كوب حنه وحطيت عليها بيضتين ومقدار معلقة عسل ومعلقة قشطه ومعلقة سمنه وزيت زيتون والباقي عجنته بشاي وجبت ثوم وبصله وغليتهم على النار وكملت العجينه بالمياه بتاعتهم وبعدين سخنت الفرن وحطيت الخليط في وعاء من الفخار وحطيته فيه وسبته يتخمر حوالي 8 ساعات وبعدين حطيته على شعري لمدة 8 ساعات وبصراحه كنت خايفه اغسله يطلع ناشف المهم بعد ماغسلته اتفاجئت بالنتيجه شعر لامع لامع لامع جدا وناعم جدا والاجزاء المتقصفه اختفت كانه مش شعري كل ده وكنت بس غسلته من غير شامبو يدوب شيلت الحنه منه وبصراحه بقيت مستخسره اغسله وبعدين تاني يوم عملت حمام زيت عباره عن معلقة قشطه وبيضه وزيت زيتون وحتة سمنه صغيره على فكره السمنه خطيره على الشعر وحطيته على شعري ولما غسلت شعري بشامبو بردو عملت حمام كريم والنتيجه والله يابنات رهيبه رهيبه رهيبه وقررت اني حعمل كده كل اسبوع وحسه اني مش ححتاج اغسل شعري تاني غير بعد اسبوع لانه مش محتاج حمام زيوت ولا اي حاجه والتساقط مافيش والقشره مافيش بجد مش مصدقه النتيجه حبيت اقولكم تجربتي الي هي مش من اختراعي كلها افكار وحاجات انا جبتها من المنتدى وعلى فكره ماما لما شافت النتيجه قالتلي اعمليهالي معقوله الحنه كويسه كده قلتلها انا نفسي ماكنتش مصدقه 
