الى كل زوار المنتدى واعضاءه والمشرفين ايضا اكبر موضوع شامل لكيفية كتابة موضوع فى المنتدى وكيفية رفع ووضع الصور فى الموضوع وايضا كيفية رفع الملفات ووضعها بالموضوع واخيرا للمشرفين كيف تقوموا بتثبيت المواضيع المميزة ويارب يكون الموضوع عند حسن ظنكم ومفيد للجميع نبدأ باذن الله
اول حاجة لما تدخل فى اى قسم انت حابب تضيف موضوع فيه تضغط على القسم تمام بعد ما ضغط هيتفتح القسم هتلاقى من فوق زر موضوع جديد زى اللى موجود فى الصور دى
الصورة واضحة يلا اضغط على موضوع جديد تمام هتلاقى يازعيم صفحة زى اللى فى الصورة دى
متقفلش مخك معايا امال الصورة واضحة ومش محتاجة تعليق
وعلى فكرة لو عاوز تعرف ازاى نكبر الخط وازاى نلونه وازاى نحطه فى النص والكلام دة مشى الماوس على الاداوت الايقونات اللى موجودة تحت فى الخانة الكبيرة اللى بنكتب فيها الموضوع يعنى تمشى الماوس بس وانت تعرف دى لزمتها ايه وجرب بقى واغلط وصلح غلطك واحنا هنصلحلك برضة
على فكرة الحته الاخيرة دى للمشرفين بس يعنى لو انت عضو بس مش هتلاقيها يعنى متجربش وتتعب نفسك مش هتلاقى دى الا لو كنت مشرف واذا كنت عاوز تبقى مشرف ادخل على الموضوع دة واعرف الشروط
اعتقد الكلام اللى فى الصورة واضح للمشرفين
دلوقتى بقى تعالوا نعرف ازاى نحط الصور فى الموضوع بتاعنا علشان يبقى شيك كدة وحلو والناس تستمتع بيه واحدة واحدة
بص لو عايز ترف الصور على طول براحتك اما لو عايز تشترك فى الموقع وترفع الصور برضه براحتك لكن رايي انك تشترك ليه ؟ لانة قبل ما تننتهى مدة الصورة يعنى قبل ما السنة اللى الصورة هتاخدها ما تخلص هيبعتلك رسالة على الايميل يقولك صورتك صلاحيتها قربت تنتهى الحق وارفعها تانى المهم تعالوا بينا نعرف ازاى نرفع الصور
انا مش هتكلم علشان متزهقوش منى الصور هى اللى بتتكلم
شرحلكم الصورة اللى فاتت علشان مهمة بص ياريس الصورة بتقولك ايه بتقولك انه عندك نوعين من الاكواد هيديهملك الموقع او نوع وهو الكود اللى خاصص بالمنتديات ودة المطلوب انت هتقوم بنسخ الكود دة ووضعة فى نافذة الموضوع
اما النوع الثانى من الاكواد وهو كود مباشر يعنى اللى هيدوس على الكود دة هتتفتح صفحة جديدة فيها الصورة اللى انت رفعتها
اعتقد وصلت كدة الصورة
دلوقتى بقى هنعرف ازاى نرفع ملفات ونحطها فى الموضوع يعنى لو ملف فيه صور سواء ملف وورد او لعبة او فيلم او برنامج او اى حاجة وعاوز اللى يشوف موضوعك يضغط علي الرابط بتاع الملف ويعمله داونلود تعالوا نشوف واحدة واحدة الكلام دة بيتعمل ازاى
بصوا بقى معايا هتنسخ الكود اللى ادهولك الموقع وتحطه فى الموضوع واى واحد هيحب يعمل للكود دة داونلود هيضغط عليه بس تمام يامعلم
اعتقد انه كلامى خلص لو فيه اى استفسار دوس على تعقيب هتلاقوها جمب زر موضوع جديد انظر الصورة الاولى واكتب ردك او مشكلتك او استفسارك يالا سلام ومعلش انا طولت عليكم
مع تحياتى / تيتو
