بـــســـم الـــلــه الــرحـــمـــن الـــرحـــــيــــم
العنود اللي مسا البارح وأنا سيد سهرها
أقبلت مثل البياض و ودعت مثل برديه
المسا ضج بسوالف عطرها وأشعل سفرها
والعروق اللي روت مسيارها خضر ونديه
ما نشدت أخت المهاه ليامتى حزة خدرها
حد علمي يوم أمد لجيدها شرهة يديه
عقدها المغرور تاه بعطرها وإلا نحرها
ساعةٍ أشره عليه وساعةٍ يشره عليه
كلما لدت على البال والعقد يخزرها
قلت أنا ماني خوي عادته ينسى خويه
ليتها تدري وعقد الماس لو يدري عذرها
أشهد إن الجمره اللي فالحشا مني وفيه
من سرت يمي وأنا مالي خيار إلا قدرها
كنها كل السنين المقبله والأوليه
من غدت همي وأنا مالي ديار إلا ديرها
جالها بين الضلوع الظاميه روحه وجيه
جادل كل الدروب المعشبه تنبت بأثرها
جت تبي جرح وقصيد وخلت الثنتين ليه
من يحدثني حديث الثلج للجمر بثغرها
والله إني كنت ناوي لي بهاك الجمر نيه
من نشد هاك الوساع الخرس عن دنيا حورها
وش جمع سحر الغموض بسودها والنرجسيه
الوكاد إني بشط الكحل غنيت لبحرها
ما حلا هوسة هدبها والمسا والسامريه
من يعلم مستريح الريح عن فوضى شعرها
الحرير اللي كسا هاك المتون العسجديه
علموه إن مازح الغره ونشّد عن قمرها
لا يخاف إن شاف له ظلما وشاف الشمس حيه
انـــــشــــالــلــه اعـــجـــبـــتـــكـــم
العنود اللي مسا البارح وأنا سيد سهرها
أقبلت مثل البياض و ودعت مثل برديه
المسا ضج بسوالف عطرها وأشعل سفرها
والعروق اللي روت مسيارها خضر ونديه
ما نشدت أخت المهاه ليامتى حزة خدرها
حد علمي يوم أمد لجيدها شرهة يديه
عقدها المغرور تاه بعطرها وإلا نحرها
ساعةٍ أشره عليه وساعةٍ يشره عليه
كلما لدت على البال والعقد يخزرها
قلت أنا ماني خوي عادته ينسى خويه
ليتها تدري وعقد الماس لو يدري عذرها
أشهد إن الجمره اللي فالحشا مني وفيه
من سرت يمي وأنا مالي خيار إلا قدرها
كنها كل السنين المقبله والأوليه
من غدت همي وأنا مالي ديار إلا ديرها
جالها بين الضلوع الظاميه روحه وجيه
جادل كل الدروب المعشبه تنبت بأثرها
جت تبي جرح وقصيد وخلت الثنتين ليه
من يحدثني حديث الثلج للجمر بثغرها
والله إني كنت ناوي لي بهاك الجمر نيه
من نشد هاك الوساع الخرس عن دنيا حورها
وش جمع سحر الغموض بسودها والنرجسيه
الوكاد إني بشط الكحل غنيت لبحرها
ما حلا هوسة هدبها والمسا والسامريه
من يعلم مستريح الريح عن فوضى شعرها
الحرير اللي كسا هاك المتون العسجديه
علموه إن مازح الغره ونشّد عن قمرها
لا يخاف إن شاف له ظلما وشاف الشمس حيه
انـــــشــــالــلــه اعـــجـــبـــتـــكـــم
